Ndodh edhe kështu, një 101-vjeçare ka mposhtur koronavirusin. Mund të duket e pabesueshme, por gruaja nga New Yorku që jetoi gjatë pandemisë së gripit spanjoll dhe mposhti kancerin, ka fituar luftën edhe ndaj COVID-19. Mediat e huaja shkruajnë se Angelina Friedman është 101-vjeçarja që mposhti coronavirusin. Ajo u dërgua në spital më 21 mars, për një procedurë të vogël mjekësore, ndërsa u diagnostikua me COVID-19.
Ndërkohë nëna e saj vdiq pasi e lindi atë në bordin e një anije pasagjerësh, që bartte emigrantë nga Italia në qytetin e New York-ut, gjatë valës së dytë të gripit spanjoll në vitin 1918.
Familja e Friedman e cilëson jetën e saj si të jashtëzakonshme, pasi ajo kapërceu krizën e gripit spanjoll, abortin, kancerin, dhe tani pandeminë COVID-19.
Ajo u martua me Harold Friedman dhe krijuan një familje, mirëpo, u kontraktuan më vonë të dy me kancer.
“Ishin të dy me kancer në të njëjtën kohë. Ajo i mbijetoi, ndërsa babai s’pati fat”, – tha vajza e saj Merola.
Friedman për momentin jeton në Qendrën e Terapisë dhe Infermierisë Restauruese në North Westchester, në Liqenin Mohegan të NeW York-ut.
